لاہور (نیوزڈیسک )ہنڈا اٹلس کارز پاکستان لمیٹڈ نے گزشتہ روز مقامی ہوٹل میں منعقد کی گئی ایک رنگارنگ تقریب میں اپنی نئی ایس یو وی متعارف کروادی۔ پرنٹ اور الیکٹرونک میڈیا کے نمائندوں کی ایک بڑی تعداد کی موجودگی میں نئی ایچ آر وی کی رونمائی کی گئی۔ ہنڈا اٹلس کارز پاکستان لمیٹڈ کے پریزیڈنٹ اور سی ای او جناب ٹوچی اشییاما کے علاوہ کمپنی کی سینئر مینجمنٹ بھی اس موقع پر موجود تھی۔نئی ایچ آر وی کے دلکش ڈیزائن، بہترین معیار اور چمک دمک نے تمام حاضرین کو حیران کردیا۔ نئے منفرد ڈیزائن اور جدید ترین فیچرز کے ساتھ یہ کثیرالمقاصد کار لوگوں کی بڑی تعداد کو اپنی طرف متوجہ کرے گی۔ ہنڈا اٹلس کارز (پاکستان) لمیٹڈ کے جنرل منیجر سیلز اینڈ مارکیٹنگ جناب ندیم اعظم نے نئی ایچ آرو ی کا مختصر سا تعارف کرواتے ہوئے کہا ’’1.5لٹر پیٹرول انجن اور سی وی ٹی ٹرانسمیشن کی حامل اس درمیانے سائز کی ایس یو وی سے آپ کو پرفارمنس اور سپیڈ کے ساتھ ساتھ وہ سب کچھ ملتا ہے جس کی آپ ایک SUV سے توقع کرتے ہیں۔ یہ پُش سٹارٹ، سمارٹ انٹری، کلائمیٹ کنٹرول اے سی، 4 ریئر سنسرز اور 7 انچ ڈسپلے آڈیو جیسے انتہائی جدید فیچرز سے لیس اور اب پاکستانی صارفین کیلئے ہنڈا کی 2 سالہ وارنٹی اور آفٹر سیل بیک اپ کے ساتھ دستیاب ہے۔ہنڈا اٹلس کارز (پاکستان) لمیٹڈ کے پریزیڈنٹ اور سی ای او جناب ٹوچی اشییاما نے پاکستان میں ہنڈا مصنوعات کی مقبولیت پر پاکستان کسٹمرز کا شکریہ ادا کرتے ہوئے کہا، ’’ایچ آر وی ٹیکنالوجی، پرفارمنس اور دلکش ڈیزائن کا خوبصورت امتزاج ہے اور یہ کاروں کے پاکستانی شائقین کو ڈرائیونگ کا بھرپور لطف دے گی۔ یہ ان لوگوں کیلئے آئیڈیل کار ہے جو جدید ٹیکنالوجی کی اہمیت کو سمجھتے ہیں۔ ہنڈا اٹلس کارز نے اپنے کسٹمرز کو ہمیشہ نئے رجحانات سے متعارف کروایا ہے اور یہ کار بھی مارکیٹ میں نیا ٹرینڈ سیٹ کرے گی۔‘‘