اسلام آباد(نیوز ڈیسک) ایشیائی آئل مارکیٹ میں جمعہ کو خام تیل کی قیمتوں میں تیزی کا رجحان رہا جس کی وجہ امریکہ ریفائنریز میں جاری ہڑتال ختم کرنے کیلئے معاہدہ طے پا جانے کی اطلاعات ہیں۔ کاروباری سرگرمریوں کے دوران امریکہ کے ویسٹ ٹیکساس انٹر میڈیٹ کے اہم معاہدے 12سینٹ کے اضافے کےساتھ47.17ڈالر فی بیرل میں طے پائے جبکہ برینٹ نارتھ سی کروڈ کے سودے 31سینٹ کے بڑھوتری سے 57.39ڈالر فی بیرل میں ہوئے ۔ رپورٹ کے مطابق گزشتہ روز نیویارک میں ڈبلیو ٹی آئی کی قیمتوں میں 1.12ڈالر فی بیرل اور برینٹ کروڈ کی قیمتوں میں 46سینٹ کی کمی ریکارڈ کی گئی تھی۔