اسلام آباد(نیوز ڈیسک)ٹیلی کمیونیکیشن ٹیکنالوجی میں مارکیٹ لیڈر اور ایوارڈ یافتہ انوویٹر ہواوے نے اپنی ترقی اور تو سیع کی پیروی میں ائیر لنک کے تعاون سے حفیظ سنٹرگلبرگ میں”ایکسپیرئنس زون “ کا افتتاح کردیا ہے۔ائیر لنک پورے پاکستان میں ہواوے ڈیوائسزکا مجاز ڈسٹریبیوٹرہے جبکہ ہواوے پاکستان کے مختلف شہروں میں اپنے نیٹ ورک کو وسعت دینے پرمسلسل کام کررہا ہے۔ ہواوے کے ڈائریکٹر مارکیٹنگ اورپاکستان میں ہواوے ڈیوائسزکے ڈسٹریبیوٹر ائیر لنک کے سی ای اومعظم حیات پراچہ نے آﺅٹ لیٹ کا افتتاح کرتے ہوئے کہا کہ ” ایکسپیرئنس زون “ ایک انقلابی تصور ہے جو ہواوے ریٹیل برانڈکی نمائش کیلئے قائم کیا گیا ہے اور یہ ہواوے کی اختراعی ٹیکنالوجی کے صارفین کو ذاتی طور پر مشغول رکھے گا۔ اس کے علاوہ ریٹیلرز بھی اپنے شاپس کواپ گریڈ کرنے اور ہواوے کو فروغ دینے کےلئے مسلسل برانڈنگ اپروچ کو اپناتے ہوئے اس خیال کر سکتے ہیں۔افتتاحی تقریب کے دیگر معززمہمانوں میں ہواوے پاکستان کے مارکیٹنگ سربراہ اورپاکستان میں ہواوے کے ڈسٹریبیوٹر ائیر لنک کے سی ای او فرازایم خان بھی شامل تھے۔