اسلام آباد (نیوز ڈیسک) وزارت منصوبہ بندی و ترقیات نے رواں مالی سال2014-15ء میں سرکاری شعبہ کے ترقیاتی پروگرام میں کابینہ ڈویژن کے ترقیاتی کاموں کےلئے مجموعی طور پر دو ارب12کروڑ51 لاکھ روپے سے زائد کے فنڈز جاری کردیئے ہیں۔ حکومت نے رواں مالی سال کیبنٹ ڈویژن کےلئے دو ارب76 کروڑ70 لاکھ روپے سے زائد کے فنڈز مختص کئے ہیں۔ پلاننگ کمیشن کے جاری کردہ اعدادوشمار کے مطابق حکومت نے پشاورموڑ میں بس ڈپوکےلئے 68 کروڑ94 لاکھ روپے، کشمیرہائی وے کی تعمیرکےلئے ایک ارب6کروڑ48 لاکھ روپے، اسلام آباد میں فیلمی سوئٹس کی تعمیرکےلئے18 کروڑ91 لاکھ روپے ، پارلیمنٹ ہاﺅس بلڈنگ میں سیکیورٹی انتظامات کےلئے 5کروڑ83 لاکھ روپے، نیشنل آکائیوز پاکستان کےلئے 97 لاکھ روپے سمیت مختلف ترقیاتی منصوبوں کےلئے فنڈز جاری کردیئے ہیں۔