کولمبیا:(نیوزڈیسک)عالمی شہرت یافتہ ہالی ووڈ اداکارٹام کروز کی نئی آنے والی فلم’’مینا ‘‘کے عملے کو واپس لے جانے والا چھوٹا طیارہ کولمیبا میں حادثے کا شکار ہوگیا جس کے نتیجے میں فلم عملے کے 2 ارکان ہلاک ہوگئے۔غیر ملکی خبر رساں ادارے کے مطابق ہالی ووڈ کے نامور اداکار ٹام کروز کی نئی آنے والی فلم ’’مینا‘‘ کی شوٹنگ کے بعد عملے کے ارکان چھوٹے طیارے کے ذریعے واپس جارہے تھے کہ طیارہ کولمبیا میں حادثے کا شکار ہوگیا جس کے نتیجے میں عملے کے 2 ارکان ہلاک اور ایک زخمی ہوگیا۔دوسری جانب پروڈکشن کمپنی اور کولمبیا سول ایوسی ایشن اتھارٹی کا کہنا تھا کہ جہاز گرنے کا واقعہ جمعہ کو پیش آیا جس میں پائلٹ سمیت 2 افراد ہلاک ہوگئے تاہم حادثے کی تحقیقات کی جارہی ہیں۔