کراچی(نیوزڈیسک) کیا آپ کے خاندا ن میں بھی دہشت گرد داخل ہوچکے ہیں؟ ہوشیار ہوجائیں! نادرا کا اہلکار غیرملکیوں کو پاکستانی شہریوں کے فیملی ٹری میں ڈال کر شناختی کارڈ جاری کرتارہا۔-لیاری میں واقع نادرا سینٹر سے 400سے زائد غیر ملکیوں کو قومی شناختی کارڈ جاری کرنے کا انکشاف ہوا ہے۔ذرائع کے مطابق ایف آئی اے انسداد انسانی اسمگلنگ سیل کی کاروائی کے دوران گرفتار ہونے والے نادرا کیماڑی سینٹر کے انچارج عبدالقدیر ولد حاجی نور محمد نے دوران تفتیش انکشاف کیا ہے کہ نادرا کیماڑی سینٹر سے قبل وہ لیاری میں واقع نادار سینٹر کا انچارج تھا اور اس دوران دوران اس نے400سے زائد غیر ملکیوں کے قومی شناختی کارڈ بنوائے۔ عبدالقدیر نے تفتیش کے دوران بتایا کہ لیاری گینگ وار ملزمان کی جانب سے اسے کہا جاتا تھا کہ وہ ان غیر ملکیوں کو قومی شناختی کارڈز بنا کر دے بصورت دیگر اسے سنگین نتائج کی دھمکیاں دی جاتی تھیں۔روزنامہ جنگ کے صحافی ثاقب صغیرکی رپورٹ کے مطابق ایف آئی اے زرائع کے مطابق ملزم عبدالقدیر چمن بارڈر سے غیر ملکیوں کو لیکر آتا تھا ،ان غیر ملکیوں کو ٹرانسپورٹ بھی فراہم کرتا تھا اور کراچی لا کر انھیں لیاری کے مختلف علاقوںمیں ٹھہراتا تھا جسکے بعد وہ نادرا لیاری سینٹر سے ان غیر ملکیوں کو کمپیوٹرائز قومی شناختی کارڈ بنا کر دیتا تھا،ملزم ان غیر ملکیوں کے نام پاکستانی شہریوں کی فیملی ٹری میں داخل کر دیتا تھا تاکہ انھیں پہچاننے میں آسانی نہ ہو۔ایف آئی اے ذرائع کا کہنا ہے کہ ایف آئی اے نے نادرا حکام سے نادرا لیاری سینٹر کا ریکارڈ طلب کر لیا ہے جسکے بعد اس حوالے سے مزید انکشافات کی توقع ہے۔