لاہو ر( این ماین آئی) پاکستان سپر لیگ کی فرنچائز پشاور زلمی کیفاسٹ بولر وہاب ریاض کی کوئٹہ گلیڈی ایٹرز کی ٹیم کے لیے کی گئی پیشگوئی سچ ثابت ہو رہی ہے۔ایچ بی ایل پی ایس ایل کے نمائشی میچ کے بعد وہاب ریاض نے افتخار احمد سے گفتگو کرتے ہوئے کہا تھا کہ یہ جو جامنی رنگ پہنا ہوا ہے یہ پی ایس ایل میں نہیں چلے گا جو مرضی ہوجائے۔پاکستان کی سپر لیگ میں کوئٹہ گلیڈی ایٹرز کی اب تک کی کارکردگی کو دیکھا جائے تو ایسا لگ رہا ہے وہاب ریاض کی پیشگوئی سچ ثابت ہو رہی ہے۔کوئٹہ گلیڈی ایٹرز کو پی ایس ایل8 میں اب تک 7 میچز میں سے 6میچوں میں شکست کا سامنا کرنا پڑا ہے اور وہ پوائنٹ ٹیبل میں آخری نمبر پر موجود ہے۔واضح رہے کہ پی ایس ایل کے نمائشی میچ میں افتخار احمد نے وہاب ریاض کو 6 گیندوں پر6 چھکے لگائے تھے۔