اسلام آباد ( آن لائن )عالمی مالیاتی ادارے (آئی ایم ایف) نے اسٹاف لیول معاہدے کے لیے گرین سگنل کا عندیہ دے دیا۔ذرائع کے مطابق رواں ہفتے میں آئی ایم ایف کے ساتھ اسٹاف لیول معاہدہ طے پائے جانے کا امکان ہے۔

ذرائع نے بتایا ہے کہ پاکستان اور آئی ایم ایف کے درمیان ورچوئل مذاکرات میں مثبت پیشرفت ہوئی ہے۔وزارت خزانہ کے ذرائع کے مطابق آئی ایم ایف نے معاشی ٹیم سے مذاکرات میں اہم پیشرفت کی ہے، پاکستان نے آئی ایم ایف کے دیے گئے تمام اہداف پر پیشرفت کی۔ذرائع کا کہنا ہے کہ آئی ایم ایف کو 4 بار ایم آئی ایف پی کے اہداف پر مطمئن کیا گیا، آئی ایم ایف کے اسٹاف لیول معاہدے سے قبل پیشگی اہداف بھی حاصل کیے۔ذرائع نے بتایا ہے کہ زرمبادلہ کے ذخائر بہتر ہونے سے آئی ایم ایف کی آخری پیشگی شرط بھی پوری ہو گئی ہے۔وزارت خزانہ کے ذرائع نے یہ بھی کہا ہے کہ آئی ایم ایف گورنر اسٹیٹ بینک جمیل احمد کے اقدامات سے مطمئن ہونے لگا، چین کے قرض کے رول اوور نے زرمبادلہ کے ذخائر بہتر کر دیئے۔