لاہو ر( این این آئی) قومی ٹیم کے لیگ اسپنر یاسر شاہ نے کہا ہے کہ میں نے وکٹ کیپر محمد رضوان سے شرط لگائی تھی جو اسی روز پوری کردی۔
لیگ اسپنر یاسر شاہ سے ایک پروگرام میں میزبان نے سوال کیا کہ آپ نے ایک قومی کرکٹر سے شرط لگائی تھی کہ جب تک تم سنچری نہیں بنا گے میں تمہیں بڑا پلیئر نہیں مانوں گا جس کے بعد اس کھلاڑی نے اسی میچ میں سنچری بناڈالی اور اس کے بعد وہ بڑے پلیئر بن گئے؟۔میزبان کے سوال پر یاسر شاہ نے اعترافا ہنستے ہوئے بتایا کہ جی!میں نے محمد رضوان سے شرط لگائی تھی۔یاسر نے بتایا کہ کراچی میں ایک ٹیسٹ میچ کیلئے میں رضوان کے ساتھ گاڑی میں موجود تھا اس دوران میں نے رضوان سے کہا کہ میں آپ کو تب تک بیٹسمین نہیں مانوں گا جب تک آپ ٹیسٹ میچ میں سنچری نہیں کروگے، میری گفتگو پر رضوان نے مجھے آڑی نظروں سے دیکھا لیکن کچھ نہیں کہا مگر اسی دن رضوان نے سنچری کرڈالی۔یاسر کے جواب پر میزبان نے ازراہ مذاق کرکٹر کو مشورہ دیا کہ آپ اس شرط کے کام کو باقاعدگی سے شروع کردیں تاکہ کھلاڑی سنچری بنانا شروع کردیں۔
