واشنگٹن(نیوز ڈیسک) امریکی صدر براک اوباما کی حکومت نے مختلف علاقوں پر حملوں کے لئے بش حکومت سے دس گنا زیادہ ڈرون طیارے استعمال کئے۔ایرانی پرایس ٹی وی نے صحافتی تحقیقات کے مرکز کے حوالے سے بتایاکہ امریکا کے سابق صدر جارج ڈبلیو بش نے اپنے دور حکومت میں صرف پچاس بار ڈرون حملوں کا حکم جاری کیا تھا۔اوباما حکومت نے پانچ سو بار ڈرون طیاروں کو حملوں کے لئے استعمال کیا ہے۔رپورٹ کے مطابق صدر باراک اوباما نے یمن، صومالیہ، افغانستان،اوردیگر ممالک پر حملوں کے احکامات جاری کئے ہیں۔