مانچسٹر (نیوز ڈیسک) برطانیہ کے شہر مانچسٹر میں ڈبل ڈیکر مسافر بس حادثہ کا شکار ہوگئی ۔ حادثے میں پندرہ سے زائد مسافر زخمی ہوگئے ۔ زخمیوں کو طبی امداد کیلئے ہسپتال منتقل کردیاگیا ۔ برطانیہ کے شہر مانچسٹر میں مسافروں سے بھری ڈبل ڈیکر بس خاتون ڈرائیور کی غفلت کے باعث حادثہ کا شکار ہوگئی ۔ حادثے کے نتیجے میں پندرہ سے زائد مسافر زخمی ہوگئے ۔ حادثے کی اطلاع ملتے ہی ریسکیو اداروں نے زخمی مسافروں کو اسپتال منتقل کردیا ۔ اسپتال ذرائع کے مطابق زخمیوں میں چار مسافروں کی حالت تشویشناک بتائی جاتی ہے ۔ اور ان کی جان بچانے کیلئے طبی سہولیات فراہم کی جارہی ہیں ۔