لاہور(این این آئی)پاکستان تحریک انصاف کے سابق ممبر پنجاب اسمبلی شبیر گجر کے ڈیرے پر پولیس نے چھاپہ مارا۔ذرائع کے مطابق پولیس کی جانب سے شبیر گجر کے ڈیرے پر اقدام قتل کے تحت درج مقدمے میں گرفتاری کیلئے چھاپہ مارا۔شبیر گجر کے ڈیرے پر موجود افراد نے مبینہ طور پر پولیس کے ساتھ بدتمیزی کی، پولیس چھاپے کے دوران کسی بھی شخص کی گرفتاری عمل میں نہیں لائی جا سکی۔رائے ونڈ تھانے میں خالد گجر اور بھائی شبیر گجر سمیت دیگر افراد کے خلاف اقدام قتل اور دیگر دفعات کے تحت مقدمہ درج کیا گیا تھا۔

موضوعات:شبیر گجر