لاہور(این این آئی) عالمی مالیاتی ادارے کی ایک اور شرط پر عملدرآمد شروع کر دیا گیا۔ عالمی مالیاتی ادارے کی شرط کو پورا کرتے ہوئے گریڈ 17سے22تک کے سرکاری افسران کے اثاثوں کی تفصیلات طلب کر لی گئیں۔ نوٹیفکیشن کے مطابق گریڈ 17سے22تک کے تمام افسران کو اندرون اور بیرون ملک اثاثے ظاہر کرنا ہوں گے،افسران کو اپنے اور اہل خانہ کے بینک اکاؤنٹس کی بھی مکمل تفصیلات جمع کرانا ہوں گی، متعلقہ اداروں کو افسران کے اثاثوں تک رسائی حاصل ہو گی۔ افسران اور ان کے اہل خانہ کے اثاثے گوشوارے میں ظاہر کرنا لازمی قرار دے دیا گیا۔

موضوعات:آئی ایم ایف