کراچی(مانیٹرنگ ڈیسک /این این آئی )امریکی ڈالر 3 روپے 63 پیسے سستا ہونے کے بعد پھر مہنگا ہوگیا،3 روپے 63 پیسے سستا ہونے کے بعد پھر مہنگا ہوگیا۔ انٹربینک مارکیٹ میں مسلسل مہنگا ہوکر تاریخ کی بلند ترین سطح پر جانے کے بعد منگل کو ڈالر کی قیمت میں کمی آنا شروع ہوئی تھی۔منگل کے روزکاروبار کے آغاز پر ڈالر کی قیمت 269.63 روپے تھی، کاروبار کے دوران ڈالر کی
قیمت میں مزید 37 پیسے اضافہ ہوا اور اس کی قیمت 270 روپے ہوگئی۔تاہم کاروبار کے دوران اچانک ڈالر کی قیمت میں کمی دیکھنے میں آئی اور پہلے ڈالر 63 پیسے پھر 37 پیسے سستا ہوا۔بعد ازاں منگل کی شام کو انٹربینک میں ڈالر 3 روپے 63 پیسے سستا ہونے کے بعد پھر مہنگا ہوگیا، انٹربینک میں ڈالر 267 روپے 88 پیسے کا ہوگیا،البتہ اوپن مارکیٹ میں ڈالر 275 روپے پر برقرار ہے۔معاشی تجزیہ نگاروں کے مطابق آئی ایم ایف کے وفد کے اسلام آباد آنے کے بعد یہ امید کی جارہی ہے کہ بہت جلد پاکستان کیلئے نئے قرض کی منظوری ہو سکتی ہے اور آنے والے دنوں میں ڈالر کی قیمت میں نمایاں کمی سامنے آنے کا امکان ہے ۔دوسری جانب پاکستان اور عالمی مالیاتی ادارے (آئی ایم ایف) کے درمیان مذاکرات جاری ہیں جس میں پاکستان نے تمام مطالبات پر عملدرآمد کیلئے مزید وقت مانگ لیا ہے۔تفصیلات کے مطابق وفاقی وزیر خزانہ سینیٹر اسحاق ڈارنے کہا ہے کہ پاکستان بین الاقوامی مالیاتی فنڈ (آئی ایم ایف) کے ساتھ پروگرام کو مکمل کرنے میں پر عزم ہے اور 9 ویں جائزہ کی تکمیل کے لیےآئی ایم ایف کے مشن کے ساتھ مکمل تعاون کیا جائے گا۔آئی ایم ایف کے وفد نے مشن چیف نتھن پورٹر کی قیادت میں وزیر خزانہ اسحٰق ڈار سے ملاقات کی جہاں اوزیر خزانہ نے آئی ایم ایف وفد کو بتایا کہ حکومت نے بجلی اورگیس سمیت معیشت کے مختلف شعبوں میں اصلاحات کاسلسلہ شروع کیا ہے۔
وزیرخزانہ نے آئی ایم ایف کے وفد کا خیرمقدم کیا اور پاکستان اور آئی ایم ایف کے درمیان دوستانہ تعلقات پر روشنی ڈالی۔وزیر خزانہ نے مالیاتی خلیج کوکم کرنے ، ایکسچینج ریٹ کے استحکام اورمعیشت کی بہتری کے لیے توانائی کے شعبے سمیت قومی معیشت کے مختلف شعبوں میں اصلاحات کے لیے
حکومت کی جانب سے اٹھائے جانے والے اقدامات سے وفد کو آگاہ کیا۔وزیر خزانہ نے کہا کہ حکومت نے بجلی کے شعبے میں بھی اصلاحات کا سلسلہ شروع کیا ہے اور بجلی و گیس کے شعبے میں گردشی قرضے کیخاتمہ کے لیے ایک کمیٹی قائم کی گئی ہے جو ا س حوالے سے طریقہ کار واضح کرے گی۔
وزیر خزانہ نے مذاکرات کے تسلسل پر آئی ایم ایف کی مینجنگ ڈائریکٹر کا شکریہ اداکیا اور کہا کہ ماضی میں بطور وزیر خزانہ انہوں نے آئی ایم ایف کے ساتھ ایک پروگرام مکمل کیا تھا اور موجودہ حکومت آئی ایم ایف کیساتھ جاری پروگرام کو مکمل کرنے میں پرعزم ہے۔انہوں نے 9 ویں جائزے کی تکمیل میں آئی ایم ایف کو حکومت کی مکمل حمایت اور تعاون کا یقین دلایا۔آئی ایم ایف کے مشن چیف نے اس امید کا اظہار کیاکہ
حکومت آئی ایم ایف کے تقاضوں کے مطابق 9 ویں جائزہ کو مکمل کریگی۔انہوں نے اس امید کا بھی اظہار کیاکہ پاکستان مختلف شعبوں میں اصلاحات کا سلسلہ جاری رکھے اور آئی ایم ایف کے پروگرام کوبروقت مکمل کرے گا۔نیتھن پورٹر نے کہاکہ مالیاتی اصلاحات پر آئی ایم ایف پاکستان کے ساتھ مل کر کام کرے گا۔
اس موقع پر آئی ایم ایف کی ریذیڈنٹ نمائندہ ایسترفیرس روئیس ،وزیرمملکت برائیخزانہ ومحصولات عائشہ غوث بخش،معاون خصوصی طارق باجوہ ،معاون خصوصی محصولات طارق محمود پاشا، گورنر اسٹیٹ بینک جمیل احمد، سیکرٹری خزانہ ،چیئرمین ایف بی آر، آئی ایم ایف وفد کیارکان اوروزارت خزانہ کے
سینئر افسران بھی موجود تھے۔اجلاس میں آئی ایم ایف کے توسیع فنڈ سہولت (ای ایف سی) کے تحت 9 ویں جائزے کے لیے پاکستان کی معیشت اور مالیاتی واصلاحاتی ایجنڈاکاجائزہ لیاگیا
