اسلام آباد (مانیٹرنگ ڈیسک)بھارتی کرکٹ ٹیم کے نائب کپتان کے ایل راہول نے گزشتہ روز کھنڈالہ میں بالی ووڈ اسٹار سنیل شیٹھی کی بیٹی اتھیا شیٹی سے شادی کرلی ہے تاہم کے ایل راہل واحد کرکٹر نہیں ہیں جنہوں نے حال ہی میں شادی کی۔ٹیم انڈیا کے نائب کپتان کے ایل راہول نے پیر23 جنوری کو کھنڈالہ میں بالی ووڈ اسٹار اتھیا شیٹی سے شادی کی، اس تقریب میں مہمانوں کو کھانا
پلیٹوں میں نہیں دیا گیا بلکہ روایتی انداز میں مہمانوں کی تواضع کی گئی جبکہ مہمانوں کو فون ساتھ لانے کی اجازت بھی نہیں دی گئی۔دوسری جانب بالی وڈ کے معروف اداکار سنیل شیٹی کی صاحبزادی اتھیا شیٹی جلد ہی پیا دیس سدھارنے والی ہیں۔بھارتی میڈیا کے مطابق راہول اور اتھیا کی شادی کی تقریب 23 جنوری کو ہوگی جس کے لیے تقریبات کا آغاز کل سے ہو جائے گا۔جیو نیوز کے مطابق اتھیااور بھارتی کرکٹر کے ایل راہول کی شادی کی تقریب کیلئے کسی عالیشان وینیو کے بجائے سنیل شیٹی کے کھنڈالا میں قائم بنگلے کا انتخاب کیا گیا ہے اور اب شادی سنیل شیٹی کے بنگلے پر ہونے کے حوالے سے مزید تفصیلات سامنے آئی ہیں۔بھارتی میڈیا کے مطابق اتھیا اپنی شادی اور سات پھیروں کی تقریب کے لیے زیادہ شورشرابا نہیں چاہتیں اسی لیے سنیل شیٹی نے بیٹی اور داماد کو خوش کرنے کے لیے شادی کی تقریب اپنے کھنڈالا بنگلے میں رکھنے کا فیصلہ کیا۔میڈیا رپورٹس کے مطابق شادی کی تقریب میں شرکت کرنے والے مہمانوں کو ریڈیسن ہوٹل میں ٹھہرایا جائے گا جس کے لیے ہوٹل میں بکنگ بھی کروائی جا چکی ہے۔دوسری جانب بتایا جا رہا ہے کہ اتھیا اور کے ایل راہول کے ولیمے کی تقریب فوری ہونے کے بجائے ایک یا دو ماہ بعد ہوگی جس میں بڑی تعداد میں بھارت کی شوبز اور اسپورٹس شخصیات شرکت کریں گی، اس حوالے شیٹی خاندان کا کے قریبی ذرائع کا کہنا ہے کہ یہ رات یاد رکھنے والی رات ہوگی جس کا ہمیں بڑی بے صبری سے انتظار ہے۔بھارتی میڈیا پر اتھیا اور کے ایل راہول کی شادی میں شریک ہونے والے مہمانوں کی فہرست بھی سامنے آگئی ہے جس میں بھارتی کرکٹر ویرات کوہلی ان کی اہلیہ انوشکا شرما کے علاوہ سلمان خان اور شاہ رخ خان کا نام سامنے آیا ہے۔
