لاہور(مانیٹرنگ ڈیسک) پنجاب کے نگران وزیر کھیل وہاب ریاض جو کہ بنگلہ دیش میں پریمیئر لیگ کھیل رہے تھے لاہور پہنچ گئے ہیں، انہیں پنجاب کی نگران کابینہ میں وزیر کھیل کی ذمہ داریاں سونپی گئی ہیں، لاہور ائیرپورٹ پر وہاب ریاض کو نگران وزیر کا پروٹوکول دیا گیا، اس موقع پر انہوں نے کہا کہ مجھ پر جو اعتماد کیا گیا میں اس پر مشکور ہوں، انہوں نے وزیراعلیٰ پنجاب کا شکریہ ادا کیا اور کہا کہ یہ ایک لمبا سفر ہے لفظوں میں بیان نہیں کر سکتا، جو ذمہ داری مجھے دی گئی ہے اسے اچھے طریقے سے پوری کروں گا۔