اوسلو (نیوز ڈیسک) آسٹریلوی طالبہ ایک پہاڑ پر فوٹو لیتے ہوئے گر کر ہلاک ہوگئی۔ 24 سالہ کرستی ایک گروپ کے ساتھ ٹرولٹنگا میں سیر کے لئے گئی تھی کہ اس دوران اس نے 200 میٹر اونچی ایک چٹان کے کنارے پر تصویر بنوانے کی کوشش کی اور توازن کھونے سے نیچے گر کر ہلاک ہوگئی۔ کئی گھنٹے کی کوشش کے بعد اس کی لاش تلاش کرلی گئی۔ پولیس کے مطابق بہت سے سیاح تصویر بنوانے کے لئے قطار میں کھڑے تھے اور اسی دوران کرستی چنان کے کنارے کے زیادہ قریب چلی گئی۔ یونیورسٹی ریکٹر نے واقعہ پر افسوس کا اظہار کرتے ہوئے کرستی کے والدین سے اظہار تعزیت کیا ہے۔