اسلام آباد (مانیٹرنگ ڈیسک) وزیراعظم شہبازشریف سےگورنر پنجاب بلیغ الرحمان نے ملاقات کی جس میں پنجاب اسمبلی کی تحلیل سمیت دیگر امور پر تبادلہ خیال کیا گیا۔نجی ٹی وی  کے ذرائع کے مطابق گورنر پنجاب نے لاہور میں وزیراعظم شہبازشریف کی ماڈل ٹاؤن میں واقع رہائش گاہ پر ملاقات کی، گورنر پنجاب کی وزیراعظم سے 15 منٹ ون آن ون ملاقات ہوئی۔مسلم لیگ ن کے ذرائع کا کہنا ہےکہ ملاقات میں پنجاب اسمبلی کی تحلیل سمیت دیگر امور پر تبادلہ خیال کیا گیا، گورنر پنجاب وزیراعظم شہباز شریف سےملاقات کے بعد واپس روانہ ہوگئے۔