بنگلور (نیوز ڈیسک) ایک ’نیک‘ ہندو نے 50 سال میں 200 مندروں کو لوٹا۔ ناگاراج مالیگودا اپنے آپ کو نیک اور رضاکار سمجھتے ہیں۔ وہ کام پر جانے سے قبل بھگوان کے سامنے ماتھا ٹیکتے ہیں مگر یہ اسے مندر میں چوری کرنے سے نہیں روکتا۔ بھارتی اخبار کے مطابق ناگاراج نے پہلی چوری 16سال کی عمر میں میسور مندر میں کی اور آخری 19 اگست کو امبابھوانی مندر میں کی جس میں اس نے ایک سونے کی چین چرائی مگر سی سی ٹی وی کی مدد سے پولیس نے اسے گرفتار کرلیا اور اب وہ تھانے میں بند ہے۔ ناگاراج کا کہنا ہے کہ اس نے کبھی بھی کسی گھر یا دکان سے چوری نہیں کی، وہ پہلے مندر میں رضاکار کے طور پر کام شروع کرتا ہے اور جیسے ہی موقع ملتا ہے، کوئی قیمتی چیز چرا کر بھاگ جاتا ہے۔