لندن (نیوز ڈیسک)تین سالہ ایلان کی ساحل سمندر پر لاش کی تصویر نے برطانوی وزیراعظم کو جھکنے پر مجبور کر دیاہے۔تفصیلات کے مطابق برطانوی وزیراعظم نے کہا کہ باپ ہونے کے ناطے تین سالہ ایلان کی تصویر نے انہیں بری طرح سے ہلا کر رکھ دیاہے۔جس کے بعد برطانیہ کی جانب سے پناہ گزینوں کو قبول کیے جانے کاامکان ہے اور جلد ہی اس کا اعلان بھی متوقع ہے۔اقوام متحدہ نے یورپی ممالک سے اپیل کی ہے کہ وہ 2لاکھ تارکین وطن کو جگہ فراہم کریں اور ان کی آمدپر مناسب سہولتیں بھی فراہم کی جائیں۔تین سالہ ایلان ترکی کے ساحل پر اپنی ماں اور بھائی کے ساتھ ڈوب گیا تھا اور اسے کوبانی میں ماں اور بھائی سمیت دفنا دیا گیاہے