لاہور (آئی این پی)مسلم لیگ ن کے رہنما و سابق وزیر اعظم شاہدخاقان عباسی نے پی ٹی آئی رہنما شہبازگل کیخلاف 2 ارب روپے ہرجانہ ادا کرنے لئے درخواست دائر کردی،تفصیلات کے مطابق لاہور سیشن کورٹ میں شاہد خاقان عباسی کی

پی ٹی آئی رہنما شہبازگل کیخلاف ہرجانہ درخواست پرسماعت ہوئی،ایڈیشنل سیشن جج ثمینہ حیات نے کیس پر سماعت کی ، درخواست میں کہا گیا کہ شہباز گل نے 31جولائی کی پریس کانفرنس میں سنگین الزامات لگائے،شاہد خاقان عباسی کا کہنا تھا کہ شہباز گل نے 140ملین بھارتی کمپنی سے لینے کا الزام عائد کیا، بے بنیاد الزامات پر شہباز گل کو لیگل نوٹس بھی بھجوایا گیا،درخواست میں کہا گیا کہ شہباز گل نے سنگین الزامات لگا کر شہرت کو نقصان پہنچانے کی کوشش کی، استدعا ہے عدالت شہباز گل کو2ارب روپے ہرجانہ ادا کرنے کا حکم دے،عدالت نے آئندہ سماعت پر شاہدخاقان عباسی کے وکلا سیدلائل طلب کر لیے اور وکلا ہڑتال کیباعث سماعت بغیرکارروائی 19دسمبر تک ملتوی کردی۔