اسلام آباد، دبئی (مانیٹرنگ ڈیسک ، این این آئی )​نجی ٹی وی  پروگرام میں گفتگو کرتے ہوئے انضمام الحق نے کہا ہے کہ ہانگ کانگ کے خلاف میچ میں فخر اور رضوان شروع سے تیز کھیلنے کی کوشش کر رہے تھے لیکن ان سے سٹروک نہیں لگے، انہوں نے 10 اوور سے بھی

پہلے کوشش کی لیکن ان سے ہٹ نہیں لگ سکی۔​انہوں نے بتایا کہ شارجہ کے وکٹ پر گیند نیچے رہتا ہے، جب آپ بہت زیادہ سیٹ ہوجاتے ہیں تو تبھی آپ کی ہٹ لگتی ہے یا پھر آپ بالکل ہی ہٹنگ کے موڈ میں آئے ہوں تو ہٹ لگتی ہے۔​انضمام الحق کے مطابق محمد رضوان بہت کرکٹنگ شاٹس کھیلنے کی کوشش کرتا ہے، اگر ان کا ویگن وہیل دیکھیں تو ان کی زیادہ تر بڑی شاٹس لیگ کی طرف ہوتی ہیں، باقی ٹیمیں یہ بات سمجھ گئی ہیں اسی لیے ان پر ابآف سٹمپ سے اٹیک ہوتا ہے، انہیں اپنا یہ اینڈ مضبوط کرنے کی ضرورت ہے ورنہ انہیں آگے چل کر بہت مشکل کا سامنا کرنا پڑے گا۔دوسری جانب  قومی ٹیم کے کپتان وسیم اکرم نے کہاہے کہ رضوان کا ناٹ آؤٹ جانا میرے نزدیک درست نہیں۔ میڈیا سے گفتگو کرتے ہوئے وسیم اکرم نے کہاکہ رضوان کا ناٹ آؤٹ جانا میرے نزدیک درست نہیں، ٹھیک ہے اگر آپ تھکے ہوئے ہیں تو کچھ باؤنڈریز لگانے کی کوشش کریں، آؤٹ ہوجائیں، آپ کے پاس لائن اپ میں آصف ہیں، افتخار ہیں ، نواز ہیں، شاداب ہیں، آپ کی بیٹنگ آٹھویں نویں نمبر تک ہے۔وسیم اکرم نے کہا کہ اس فارمیٹ میں 57 گیندوں پر 78 رنز بناکر ناٹ آؤٹ جانے کا کیا فائدہ ، معاف کیجئے گا مجھے یہ پسند نہیں آیا۔خیال رہے کہ محمد رضوان نے میچ میں 57 گیندوں پر 78 رنز بنائے اور مین آف دی میچ قرار پائے۔