اسلام آباد( مانیٹرنگ ڈیسک) ایم کیو ایم کا وفد حکومتی رہنماﺅں سے ملاقات کیلئے پنجاب ہاﺅس اسلام آبا د پہنچ گیا ، نجی ٹی وی کے مطابق ایم کیو ایم کے وفد کی قیادت فاروق ستار کر ررہے ہیں جبکہ ان کے ساتھ وسیم اختر ، کنور نوید ، بیرسٹر سیف بھی شامل ہیں ، آج کی ملاقات میں حکومت کی طرف سے ایک مانیٹرنگ کمیٹی تشکیل دیے جانے کا امکان ہے جو ایم کیو ایم کے تحفظات دور کرے گی ، وفاقی وزیر خزانہ اسحاق ڈار اور وزیر اطلاعات پرویز رشید  حکومت کی نمائندگی کرتے ہوئے مذاکرات میں شریک ہیں ، ذ رائع کے مطابق دونوں جماعتوں کے رہنماﺅں کی طرف سے مولانا فضل الرحمن کو مذاکرات میں بطور ثالثی شریک ہونے کی درخواست کی گئی ہے ، مولانا فضل الرحمن کا کہنا ہے کہ دونوں فریقین کو مذاکرات کی میز پر بٹھا دیا ہے اب یہ خود معاملات طے کرلیں ، اگر کہیں میری ضرورت پڑی اور مجھے باضابطہ کہا گیا تو میں ثالثی بن کے پیش ہونے کیلئے تیار ہوں ، خیال رہے کہ گذشتہ دنوں ایم کیو ایم کی طرف سے صوبائی اور قومی اسمبلی کی نشستوں سے استعفوں کے فیصلے کے بعد حکومت کی طرف سے کوشش کی جارہی ہے کہ انہیں ایوان میں واپس لایا جائے ، اس سلسلے میں جمعیت علماءاسلام کے امیر مولانا فضل الرحمن نے بطور ثالثی نائن زیرو جا کر ایم کیو ایم کی پارلیمانی اور رابطہ کمیٹی سے مذاکرات شروع کیے تھے لیکن اسی دن رکن قومی اسمبلی رشید گوڈیل پر ہونے والے قاتلانہ حملے کے بعد مذاکراتی عمل معطل کر دیا گیا جسے اب دوبارہ شروع کیا جارہاہے