اسلام آباد(نیوزڈیسک) ایم کیوایم نے پارلیمنٹ اورصوبائی اسمبلی سے استعفوں کی واپسی پراتفاق کرلیاہے ۔میڈیاسے گفتگوکرتے ہوئے جمعیت علمائے اسلام کے سربراہ مولانا فضل الرحمان نے کہاکہ ایم کیوایم کے جوتحفظات تھے ان کوحکومت نے سن لیاہے اوراب ایم کیوایم سے مذاکرات دوسرے مرحلے پرداخل ہوگئے ہیں ۔انہوں نے کہاکہ حکومت سمیت تمام جماعتیں ایم کیوایم سے سیاسی کرداراداکراناچاہتی ہیں ۔فضل الرحمان نے کہاکہ حکومتی نمائندوں اورایم کیوایم کے رہنماﺅں کے درمیان مذاکرات کاپہلادورکامیاب رہاہے اورامید ہے کہ دوسرے دورمیں مسئلے کاحل نکال لیاجائے گا۔انہوں نے کہاکہ ایم کیوایم کے تحفظات سننا حکومت کافرض تھاجوکہ حکومت نے اداکیاہے ۔انہوں نے کہاکہ ایم کیوایم نے اپنے استعفوں پرنظرثانی کی فیصلہ کیاہے ۔اس موقع پرایم کیوایم کے رہنماءفاروق ستارنے کہاکہ ہمیں کراچی آپریشن پرجوتحفظات ہیں ان کوحکومت نے دورکرانے کی یقین دھانی کرائی ہے ۔انہوں نے کہاکہ ایم کیوایم دہشتگردی کےخلاف آپریشن کے حق میں ہے اوراس سلسلے میں وفاقی حکومت اورمسلح افواج کے ساتھ ہے۔