چائےکے کپ پر 50 روپے سروس چارجز

نئی دہلی(این این آئی)بھارت میں ریلوے انتظامیہ مسافروں کو 20 روپے والا چائے کا کپ 70 روپے میں فروخت کرنے لگی۔

بھارتی میڈیا رپورٹس کے مطابق ان دنوں سوشل میڈیا پر چائے کے بل کافی وائرل ہورہے ہیں جس میں بھارت کی ریلوے انتظامیہ نے مسافر سے 20 روپے والی چائے کے کپ پر 50 روپے سروس چارجز وصول کیے۔

یہ واقعہ اس وقت سامنے آیا جب ایک شہری 28 جون کو دہلی سے بھوپال جانے والی شاتابدی ایکسپریس ٹرین میں سفر کر رہا تھا۔

مسافر نے ریلوے انتظامیہ کی جانب سے چائے کے ایک کپ پر 50 روپے سروس چارجز وصول کرنے کا مسئلہ سوشل میڈیا پر اٹھایاتاہم دوسری جانب بھارتی ریلوے کے مطابق 2018 میں جاری کردہ ایک سرکلر میں واضح کیا گیا کہ جب کوئی مسافر راجدھانی یا شاتابدی جیسی ایکسپریس ٹرینوں میں ریزرویشن کے وقت کھانا پہلے بک نہیں کرتا ہے، تو سفر کے دوران چائے، کافی یا کھانے کا آرڈر دینے کے لیے اسے 50 روپے کا سروس چارج ادا کرنا پڑے گا۔