عمران خان مجھے اٹک پل پار کر کے دکھائے، رانا ثناء اللہ نے ایک بار پھر سابق وزیراعظم کی گرفتاری کی خواہش ظاہر کر دی

اسلام آباد(آن لائن)وزیر داخلہ رانا ثناء اللہ نے کہا ہے کہ سابق وزیر اعظم عمران خان سیاست کو آلودہ کر رہا ہے اسے گرفتار کر کے جیل میں ڈالنا چاہئے۔

جمعہ کو پارلیمنٹ کے باہر میڈیا سے گفتگو کرتے ہوئے انہوں نے کہا کہ ملک اورقوم کے جان و مال کی حفاظت ہماری اولین ترجیح ہے،

ہر جماعت کو احتجاج کا حق ہے مگر یہ احتجاج پرامن ہونا چاہئے۔ایک سوال پر انہوں نے کہاکہ عمران خان کے کہنے پر اب لوگ باہر نہیں نکلیں گے

لوگ اس کی جھوٹی اور گمراہ کن سیاست کو جان چکے ہیں، قانون کو ملحوظ نہ رکھا تو عمران خان مجھے اٹک پل پار کر کے دکھائے۔

انہوں نے کہا کہ یہ ملک میں انارکی پھیلا رہاہے اور قوم کے لئے سیکورٹی رسک بنا ہوا ہے۔رانا ثناء اللہ نے کہاکہ عمران خان نے سیاست کو آلودہ کرنے میں کوئی کسر نہیں چھوڑی

اس سے تربیت کا پتہ چلتا ہے۔ 20سال تک وہ ورلڈ کپ کو لیکر گھومتا رہا اب ایک جھوٹ پر مبنی خط کو لیکر 20سال گھومے گا مگر عوام اس کے اصل چہرے کو پہچان چکے ہیں،

ہم کسی کے خلاف سیاسی انتقام پر یقین نہیں رکھتے لیکن اداروں کو گالم گلوچ کرنے والوں کو کھلی چھٹی نہیں دیں گے۔

موضوعات:!رانا ثناء اللہ