بیجنگ(نیوز ڈٰیسک)ہالی ووڈ کے معروف ایکشن ہیروآرنلڈ شوارزینیگر”ٹرمینیٹر جینیسس ”کے پریمیئر کیلئے شنگھائی پہنچ گئے۔68سالہ اداکار و ریاست کیلی فورنیا کے سابق گورنر آرنلڈ شوارزینیگرنے ہدایتکار ایلن ٹیلر کے ہمراہ ٹرمینیٹر سیریز کی پانچویں قسط کی سائنس فکشن فلم کی نمائش کی۔فلم کے پریمیئر سے قبل چینی فلموں کے معروف ڈائریکٹر و پروڈیوسر اینگ سی یو این نے اداکار کے اعزاز میں عشائیہ دیا۔تائیوان کی فلموں کے معروف اداکار نے ان سے گانے کی فرمائش کی لیکن ”ٹرمینٹر”نے مزاحیہ انداز میں جواب دیتے ہوئے کہاکہ میں چینی ناظرین کو اپنی آواز کے ذریعے سزا نہیں دینا چاہتا۔یاد رہے کہ ”ٹرمینیٹر جینیسس ”نے جنوری میں امریکی سینماﺅں کی زینت بننے کے بعد کل 155ملین ڈالر زمیں سے 80ملین ڈالرز کمائے۔عالمی سطح پر اس کی کل کمائی 278.1ملین ڈالر تک پہنچ گئی ہے۔اب چین میں نمائش کے بعد اس کی کمائی عالمی سطح پر تقریباً400ملین ڈالر تک پہنچ سکتی ہے۔