بالی وڈ(نیوز ڈیسک)بالی وڈ کوئین کنگنا رناوت نے ایک فلم میں کام کرنے کا معاوضہ 11کروڑ روپے وصول کیا۔ بالی وڈ کوئین کے نام سے مشہور اداکارہ کنگنا رناوت اتنا بڑا معاوضہ وصول کرنے کے بعد بھارتی فلم انڈسٹری کی مہنگی ترین اداکارہ بن گئی ہیں، جنہوں نے معاوضے کی دوڑ میں تمام اداکاراوں کو پیچھے چھوڑ دیا ہے۔ جی ہاں بالی وڈ کوئین کنگنا رناوت نے حال ہی میں ایک فلم میں کام کرنے کا معاوضہ 11کروڑ روپے وصول کیا اور بالی وڈ ذرائع کے مطابق یہ معاوضہ دوسری تمام اداکاراوں سے زیادہ ہے۔ اس بارے میں بات کرتے ہوئے بالی وڈ کوئین کا کہنا تھا کہ میرے ادا کیے ہوئے کردار منفرد اور سب سے الگ ہوتے ہیں، اس لئے معاوضے میں اضافہ کچھ غلط نہیں۔ واضح رہے کہ کنگنا کی فلموں ’کوئین‘، ’تنو ویڈز منو ریٹرنز‘ نے باکس آفس پر بہت سے ریکارڈز توڑے، جبکہ ان کی نئی آنے والی فلم ’کٹی بٹی‘ ہے جو 18ستمبر کو دنیا بھر میں عام نمائش کے لیے پیش کی جائے گی۔