پشاور(نیوزڈیسک)وزیراعلیٰ خیبر پختونخواپرویز خٹک نے سوات موٹروے منصوبے میں دلچسپی رکھنے والے بیرونی مالیاتی اداروں اور کمپنیوں سے مالی تعاون حاصل کرنے کے انتظامات کی ذمہ داری محکمہ مواصلات و تعمیرات کو سونپ دی ہے سوات موٹروے منصوبے پر تعمیراتی کام کے آغاز کے انتظامات کا جائزہ لینے کیلئے منعقدہ اجلاس کی صدارت کرتے ہوئے وزیراعلیٰ پرویز خٹک نے منصوبے کیلئے مشیر مواصلات و تعمیرات اکبر ایوب خان کو فوکل پرسن مقرر کر تے ہوئے محکمہ سی اینڈ ڈبلیو کو ہدایت کی کہ وہ آئندہ جنوری تک منصوبے پر تعمیراتی کام کے آغاز کیلئے تمام ضروری اقدامات کرے اُنہوں نے منصوبے کیلئے حصول اراضی کاکام بھی آئندہ دسمبر تک ہر صورت میں مکمل کرنے کا حکم دیا صوبائی وزراءمحمد عاطف خان، محمود خان، وزیراعلیٰ کے مشیر برائے سی اینڈڈبلیو اکبر ایوب خان، معاون خصوصی ڈاکٹر امجد و سردار سورن سنگھ، متعلقہ سرکاری افسران اور منصوبے کے تعمیراتی و مالیاتی ماہرین نے اجلاس میں شرکت کی اجلاس کے شرکاءکو منصوبے کی مالی اور تجارتی فیزبلٹی کے اہم نکات سے بھی آگاہ کیا گیا جو مالی اور ٹرانسپورٹیشن پلاننگ کے ماہرین نے تیار کی ہے اجلاس کے دوران منصوبے کیلئے مختلف مالیاتی اداروں اور انفراسٹرکچر ڈویلپمنٹ کمپنیوں سے مالی تعاون حاصل کرنے کے امکانات کا بھی تفصیلی جائزہ لیا گیا وزیراعلیٰ پرویز خٹک نے اس موقع پر محکمہ سی اینڈ ڈبلیو کو ہدایت کی کہ وہ چکدرہ تا سوات روڈ کی تعمیر نو کا پی سی ون بھی تیار کرے انہوںنے کہاکہ اگر نیشنل ہائی وے اتھارٹی نے اس سٹرک کی بحالی کیلئے اپنی ذمہ داری پوری نہ کی تو اس صورت میں صوبائی حکومت اپنے وسائل سے یہ روڈ تعمیر کرے گی ۔