سان فرانسسکو (نیوز ڈیسک) آج کے دور میں کون ہے جو فیسبک کا شوقین نہیں، لیکن بلکہ بہت کم لوگ ایسے ہیں جو یہ جانتے ہیں کہ فیسبک آپ کی زاتی نوعیت کی معلومات کی بھرپور جاسوسی کررہی ہے اور آپ کے تمام راز اس کے پاس پہنچ رہے ہیں۔ سب سے پہلے تو آپ کو فیسبک میسنجر سے خبردار رہنے کی ضرورت ہے۔
یہ ایپ آپکی اجازت کے بغیر آپکی تصاویر اور ویڈیو بنا سکتی ہے۔ آپ جب فیس بک اکاﺅنٹ بناتے ہیں تو اسی وقت یہ ویب سائٹ آپکے موبائل ڈیوائس کی رسائی حاصل کرلیتی ہے۔
اسی طرح اگر آپ سمجھتے ہیں کہ آپ فیسبک پر جو کچھ لکھتے ہیں وہ صرف آپکو معلوم ہے تو آپ غلط فہمی کا شکار ہیں۔ فیس بک آپکے لکھے گئے ہر لفظ پر نظر رکھتی ہے اور اگر کوئی چھوٹی عمر کا فرد کسی بڑی عمر کے فرد کے ساتھ قابل اعتراض قسم کا مواد شیئر کررہا ہو تو فیس بک پولیس کو بھی اطلاع کردیتی ہے۔
بعض اوقات آپ کسی بات کو غیر مناسب سمجھ کر ڈیلیٹ کر دیتے ہیں اور اسے پوسٹ نہیں کرتے، لیکن فیس بک اسے بھی ریکارڈ کرلیتی ہے۔ ایسا کیوں کیا جاتا ہے، اس کا جواب کسی کو معلوم نہیں۔ یہ ویب سائٹ اربوں لوگوں کی تصاویر کو علیحدہ علیحدہ پہچان سکتی ہے اور حتی کہ آپ جب ما?س کو حرکت دیتے ہیں تو اس کی حرکت بھی ریکارڈ کی جاتی ہے۔
اگر آپ مایس کو کسی لنک یا تصویر کے اوپر لے کر جاتے ہیں اور اگرچہ آپ کلک نہ بھی کریں تو فیس بک ما?س کی حرکت کو ریکارڈ کرلیتی ہے۔ ان تمام باتوں سے واضح ہے کہ فیس بک آپکی ہر ہر بات اور حرکت کا ریکارڈ رکھتی ہے اور اب کی کوئی بات اس سے پوشیدہ نہیں۔