اسلام آباد (نیوز ڈیسک) پنجاب حکومت نے ریگولر سرکاری ملازمین کے جنرل پراویڈنٹ فنڈ (GP Fund) کے حوالے سے اہم نوٹیفکیشن جاری کردیا ہے، جس کے تحت جی پی فنڈ میں موجود رقم پر 12.05 فیصد منافع دیا جائے گا۔

جی پی فنڈ کی رقم سرکاری ملازمین کی ماہانہ تنخواہوں سے باقاعدگی سے کٹوتی کی صورت میں جمع ہوتی رہتی ہے۔ نوٹیفکیشن کے مطابق 30 جون 2026 تک ملازم کے جی پی فنڈ اکاؤنٹ میں موجود بیلنس پر مقررہ شرح کے مطابق منافع عائد کیا جائے گا۔ذرائع کے مطابق یہ منافع اگست میں اکاؤنٹس میں شامل کیا جائے گا، جس کے بعد ملازمین کی اگست کی سیلری سلپ میں جی پی فنڈ کی مجموعی رقم میں اضافہ نظر آئے گا۔دوسری جانب وفاقی حکومت نے جنرل پراویڈنٹ فنڈ پر سالانہ مارک اپ ریٹ میں کمی کردی ہے۔ مالی سال 2025-26 کے لیے جی پی فنڈ کی شرح منافع 12.05 فیصد مقرر کی گئی ہے، جس کا اطلاق یکم جولائی 2025 سے ہوگا۔

نوٹیفکیشن کے مطابق اس سے قبل مالی سال 2024-25 کے دوران جنرل پراویڈنٹ فنڈ پر مارک اپ کی شرح 12.46 فیصد تھی، جسے اب کم کرکے 12.05 فیصد کردیا گیا ہے۔