ممبئی (نیوز ڈیسک)بالی ووڈ اداکارہ اور سابق مس یونیورس سشمیتا سین کا کہنا ہے کہ وہ شادی کے لیے تیار ہیں مگر اچھے شوہر کی تلاش آسان نہیں۔
بھارتی اخبار کو دیئے گئے انٹرویو میں سشمیتا سین کا کہنا تھا کہ وہ شادی کرنا چاہتی ہیں اور ان کی دونوں(لے پالک) بیٹیاں رینی اور علیسا بھی اس فیصلے سے کافی خوش ہیں لیکن میرے لیے سب سے بڑا مسئلہ ایسے شوہر کو ڈھونڈنا ہے جس سے میرا مزاج مل سکے۔سشمیتا سین بہت جلد ایک کامیڈی شو میں جج کے فرائض بھی سرانجام دیں گی۔سشمیتا کا مزید کہنا تھا کہ انہوں نے اپنی دونوں بیٹیوں کو ہمیشہ شوبز سے دور رکھا ہے جس کے باعث وہ کامیڈی شو کے سیٹ پر اپنی بیٹیوں کو کم لاتی ہیں۔ان کے مطابق اگر ان کی بیٹیوں کی شوبز میں کام کرنے کی خواہش ہوئی تو ان کی شرط پہلے تعلیم مکمل کرنا ہوگی۔