نئی دہلی(این این آئی ) محکمہ آبپاشی کے اہلکاروں کا بھیس بدل کرچوروں نے60فٹ لمبا لوہے کا پل چرا لیا۔میڈیارپورٹس کے مطابق چورعام طورپرایسی چیزیں چراتے ہیں جنہیں چھپانا یا لے جانا آسان ہولیکن ایک انوکھی چوری میں چور60 فٹ لمبا اور500 ٹن وزنی لوہے کا پل لے اڑے۔بھارتی ریاست بہار میں خود کومحکمہ آبپاشی کا اہلکار ظاہرکرکے چوروں نے دن دھاڑے بل ڈوزراورگیس کٹرکی مدد سے پورا پل کاٹا اورگاڑیوں میں رکھ کرفرار ہوگئے۔دلچسپ بات یہ ہے کہ قریبی گائوں حکومت کو1972 میں تعمیرکئے گئے پل کو ہٹانے کی متعدد درخواستیں دے چکے تھے جس پرسرکارنے کوئی کارروائی نہیں کی تھی۔