گالے(نیوڈیسک)سری لنکا اور بھارت کے درمیان جاری 3ٹیسٹ میچوں پر مشتمل سیریز کے پہلے ٹیسٹ میچ میں لنکن ٹیم نے بھارتی ٹیم کو 63رنز سے شکست دے دی ہے۔ میچ میں آج چوتھے روز بھارتی ٹیم نے 23رنز اور 1وکٹ پر اپنی دوسری اننگز کا آغاز کیا، تو ان کی ایک نہ چلی اور پوری ٹیم رنگانہ ہیراتھ کی تباہ کن بولنگ کے سامنے 5.49اوورز میں 112رنز کے اسکور پر ڈھیر ہوگئی، رنگانہ ہیراتھ جنہوں نے 48رنز کے عیوض 7کھلاڑیوں کو آﺅٹ کیا، جبکہ بھارتی ٹیم کی جانب سے اجنکیا رہانے 36رنز کے ساتھ نمایاں رہے۔ اس سے پہلے لنکن ٹیم نے اپنی دوسری اننگز میں 367رنز اسکور کیے تھے، جس میں دینیش چندیمل نے شاندار 162رنز کی اننگز کھیلی اور ٹیم کو مشکلات اور ہار کی پوزیشن کی نکال کر جیت کی پوزیشن میں کھڑا کیا۔ وہ میچ کے بہترین کھلاڑی قرار پائے گئے۔ سیریز کا دوسرا ٹیسٹ میچ 20اگست سے کولمبو میں کھیلا جائے گا۔