ریاض(نیوزڈیسک)ممکنہ بارشوں کے پیش نظر سعودی حکومت نے مکہ میں شہریوں اور سیاحوں کو دریاں اور ندیوں سے دور رہنے کی ہدایات جاری کر دیں۔غیرملکی خبررساں ادارے کے مطابق چیف سول ڈیفنس آفیسر مکہ احمد دلوبائی نے کہاکہ بارشوں سے سیلاب کی صورتحال پیدا ہونے کو مد نظر رکھتے ہوئے سول ڈیفنس نے تمام تر انتظامات مکمل کر لیے ہیں ،ٹیمیں مختلف جگہوں پر تعینات کر دی ہیں ،جہاں بارشوں کا پانی شہریوں کیلئے پریشانی کاباعث بن سکتاہے ۔محکمہ موسمیات میں نجران ،جازن ،عسیر ،باہا اور مکہ سے ریاست کی ساحلی پٹی طوفان کی زد میں آنے کی پیشگوئی کی گئی ہے ۔محکمہ موسمیات کے مطابق ریاست کے مشرقی علاقے اور ضلع مدینہ میں دوپہر کے وقت موسم گرم اور خشک رہنے کا امکان ہے ۔گزشتہ سال موسلا دھار بارش کی وجہ سے مکہ سیلاب کی زد میں آگیا تھا جبکہ اولے پڑنے کی وجہ سے دو افراد کی جان بھی چلی گئی تھی جبکہ دیگر افراد زخمی ہوئے تھے ۔خراب موسم بجلی کے منقطع ہونے کا بھی باعث بنا تھا جس کے باعث درجنوں گاڑیوں کو مکہ میں نقصان بھی پہنچا تھا ۔