اسلام آباد(نیوز ڈیسک)بلوچستان کے مختلف علاقوں کے 400 فراری کمانڈرز جشن آزادی کے موقع پر ہھتیار ڈال کر قومی دھارے میں شامل ہوگئے ، اس موقع پر کمانڈر سدرن کمانڈ لیفٹیننٹ جنرل ناصر خان جنجوعہ نے ان کو مبارک باد دی اور کہا ہتھیار ڈالنے پر شرمندہ ہونے کی بجائے فخر کرو۔پولیس لائن میں جشن آزادی کی پروقار تقریب منعقد ہوئی جس کے مہمان خصوصی کمانڈر سدرن کماںڈ لیفٹیننٹ جنرل ناصر خان جنجوعہ تھے ، تقریب میںبلوچستان کے مختلف علاقوں کے پہاڑوں میں کئی سالوں سے بلوچ مسلح تنظمیوں کا حصہ 400 کالعدم تنظیم کے کمانڈروں نے ہھتیار ڈال دئیے۔ہتھیار ڈالنے والوں کو سکول کے بچوں نے قومی پرچم اور پھول دئیے ، پر امن بلوچستان پروگرام کے تحت ان افراد کو 5، 10اور 15 لاکھ روپے تک دئیے جائیں گے۔اس موقع پر کمانڈر سدرن کمانڈ لفٹیینٹ جنرل ناصر خان جنجوعہ کا کہنا تھا بلوچستان ترقی اور خوشحالی کی راہ پر گامزن ہے اور اس ترقی میں ہمارے شہدا کی خدمات کا بڑا حصہ ہے۔ہتھیار پھینک کر جو افراد قومی دھارے میں شامل ہوئے ہیں یہ ذہین میں رکھے کہ پاکستانی قوم اس پرچم کی حرمت کے لیے ہر قربانی دینے کو تیار ہیں