لاہور (این این آئی ) شادی کے پانچویں دن قتل ہونے والے سعودیہ پلٹ شہری کے قتل کا ڈراپ سین ہو گیا بلائنڈ مرڈر حل ، نئی نویلی دلہن شکیلہ ہی شوہر کے قتل کی وجہ بنی ‘ سعودیہ پلٹ شہری کے قتل کا ڈراپ سین ہو گیا۔
پولیس نے جدید ٹیکنالوجی استعمال کرتے ہوئے قاتل کو گرفتار کر لیا۔تفصیل کے مطابق ڈجکوٹ کے نواحی گائو ں چک نمبر252رب کنگ کلاں کا رہائشی دو ماہ قبل پاکستان آیا اور گزشتہ دنوں اپنی شادی کے بعد نامعلوم شخص کے ہاتھوں گولیوں سے بیدردی سے قتل کر دیا گیا ‘ اندھے قتل پر علاقہ میں خوف و ہراس پھیل گیا ‘ ایس ایچ او ڈجکوٹ نے موبائل فون ڈیٹا اور نئی نویلی دلہن سے تفتیش کی تو حقائق سامنے آگئے ‘ مقتول کی بیوی کا نجی ہوزری میں دوران ملازمت حامد نامی شہری سے معاشقہ تھا ‘ عاشق حامد سرفراز نے محبوبہ کسی اور کی ہوتی ہوئی برداشت نہ کی اور سانگلہ ہل شیٹ سے مقتول کو بہانے سے گھر سے بلایا اور نزدیکی کھیتوں میں گولیاں مار کر سعودیہ پلٹ 30 سالہ ایوب کو قتل کیا اور فرار ہو گیا، پولیس نے ملزم کو گرفتار کر لیا ہے
