ممبئی(نیوز ڈیسک) بالی ووڈ اداکار اکشے کمار نے نوجوانوں سے کہاہے کہ وہ منشیات سے دور رہیں۔بھارتی ذرائع ابلاغ کے مطابق لولی پروفیشنل یونیورسٹی میں اپنی فلم ”برادرز“ کی پروموشن کے دوران اکشے کمار نے کہا کہ قوم کی ترقی کی راہ میں منشیات سب سے بڑی رکاوٹ ہے۔انہوں نے نوجوانوں سے کہا کہ وہ منشیات سے دور رہیں اور نظم و ضبط سے زندگی گزاریں۔فلم کی پروموشن کے موقع پر اکشے کمار کے ہمراہ جیکولین فرنینڈس اور سدھارتھ ملہوترا بھی موجود تھے۔مذکورہ فلم کی ہدایات کرن ملہوترا نے دی ہیں جو کہ 14 اگست کو سینما گھروں میں نمائش کیلئے پیش کی جائے گی۔