لاہور(نیوز ڈیسک)پاکستان اوردنیا بھر میں بھرپور پذیرائی کے بعد فلم ” بن روئے “ اب بھارتی سینما میں بھی دھومچا دی ہے،7 اگست کو بھارت کے 82 سینما گھروں میں اس کی کامیاب نمائش کا آغاز ہوااور یہ پہلی پاکستانی فلم ہو گی جو ایک ساتھ 82سینما گھروں میں دکھائی جارہی ہے۔پاکستانی فلم انڈسٹری میں انقلاب اگیاہے جہاں پہلے پاکستان میں بھارتی فلموں کی نمائش ہوتی تھی اب پاکستانی فلمیں بھی بھارت میں نمائش کیلئے پیش کی جارہی ہیں جو کہ پاکستانی فلم انڈسٹری لالی ووڈ کیلئے ایک بڑی کامیابی ہے۔بھارتی شائقین اس پاکستانی فلم کا بڑی بے چینی سے انتظار کر رہے تھے،بالاخر بھارتی مداحوں کا انتظار ختم ہوا اور ”بن روئے “ بھارتی سینماوں کی زینت بن گئی۔” بن روئے “ پہلی پاکستانی فلم ہے جو بھارت کے 82 سینما گھروں میں ایک ساتھ دکھائی جا رہی ہے۔یاد رہے کہ سیاسی وجوہ کی بنا پر اس فلم کو مہاراشٹر میں ریلیز کی اجازت نہیں ملی جس کی وجہ سے مہاراشٹر کے شائقین بہت افسردہ ہیں۔