لاہور( این این آئی)گجومتہ کے علاقے میں قتل کی لرزہ خیز واردات میں خاتون ڈاکٹر کو تین بچوں سمیت فائرنگ کر کے قتل کر دیا گیا ، مقتولہ کا ایک بیٹا دوسرے کمرے میں ہونے کے باعث بچ گیا،مقتولہ کے شوہر نے دو شادیاں کر رکھی ہیں ،پولیس نے فرانزک ماہرین کی مدد سے شواہد اکٹھے کرنے کے بعد لاشوں کو پوسٹمارٹم کے لئے مردہ خانے

منتقل کر دیا۔تفصیلات کے مطابق قتل کی لرزہ خیزواردات گجومتہ میں ہوئی جہاں ایک مکان سے خاتون ڈاکٹر اور 3 بچوں کی لاشیں برآمد ہوئی ہیں ، چاروں کو فائرنگ کر کے قتل کیا گیا ۔مقتولہ کاایک بیٹادوسرے کمرے میں موجود تھا جس کے باعث وہ خوش قسمتی سے بچ گیا۔ ڈاکٹرناہید گائناکالوجسٹ تھیں اور گھر کے نیچے ہی کلینک تھا۔بتایاگیا ہے کہ مقتولہ کے شوہر سبطین نے دوسری شادی کر رکھی تھی اور ڈیفنس میں رہائش پذیر ہے۔پولیس نے موقع پر پہنچ کرتحقیقات کاآغازکردیا ہے اور فرانزک ٹیموں کی مدد سے شواہد جمع کر لئے گئے ۔ مقتولین میںڈاکٹر ناہید مبارک ، ان کا بیٹا21سالہ تیمور سلطان ،16سالہ ماہ نور فاطمہ اور10سالہ جنت فاطمہ کے شامل ہیں۔پولیس نے شواہد اکٹھے کرنے کے بعد لاشوں کو پوسٹمارٹم کے لئے مردہ خانے منتقل کر دیا ۔ وزیر اعلیٰ پنجاب سردار عثمان بزدار قتل کی لرزہ خیز واردات کا نوٹس لیتے ہوئے کہا ہے کہ ملزمان کو قانون کی گرفت میں لاکر مزید کارروائی کی جائے اور مقتولین کے لواحقین

کوہرصورت انصاف فراہم کیاجائے۔آئی جی پنجاب سے رپورٹ طلب کرتے ہوئے واقعہ میں ملوث ملزمان کی جلد از جلد گرفتاری کا حکم دیا ہے ۔ آئی جی پنجاب رائو سردارعلی خان نے بھی گھر سے 4 افراد کی لاشیں ملنے کے واقعہ کا نوٹس لیتے ہوئے سی سی پی او لاہور سے واقعہ کی رپورٹ طلب کرلی۔آئی جی پنجاب نے کہا کہ فرانزک ٹیموں کی مددسے واقعہ کی فوری تحقیقات کی جائیں اور ملزمان کوجلدازجلدگرفتار کرکے قانونی کارروائی کی جائے۔