لاہور ( این این آئی)پاکستان پیپلز پارٹی کے مرکزی رہنما ممبر فیڈرل کونسل پی پی پی اور دربار حضرت داتا گنج علی ہجویریؒکی مذہبی کمیٹی کے ممبر پیر سید ناظم حسین شاہ نے پیپلز پارٹی سے علیحدگی کا اعلان کرتے ہوئے کہا ہے کہ پیپلز پارٹی کے وزراءنے عوام کو مایوس اورکرپشن کی انتہا کر دی ہے، آج کی پیپلز پارٹی شہید ذوالفقار علی بھٹو کی پارٹی نہیں رہی جس کیلئے کارکن اور عوام ہرقسم کی قربانی دینے کیلئے تیار رہتی تھی ۔اس لئے میں نے پیپلز پارٹی سے علیدگی کا اعلان کیا ہے۔ان خیالات کا اظہار انہوں نے گزشتہ روز صحافیوں سے گفتگو کے دوران کیا ۔ان کا کہنا تھاکہ میں47سال سے پیپلزپارٹی کے ساتھ وابسطہ ہوں۔ذوالفقارعلی بھٹو شہید اور بے نظیر بھٹو شہید کے شانہ بشانہ جدو جہد میںجیلیں کاٹیں،نظربندیاں جھیلیں،شاہی قلعہ میںقید و بند کی سعوبتیں برداشت کیں ، کوڑے کھائے لیکن کبھی قدم نہیں ڈگمگائے اور نہ اصولوں پر سمجھوتہ کیا۔ انہوں نے کہا کہ بی بی شہید کے بعد کو چیئرمین آصف علی زرداری ،سابق وزیر اعظم یوسف رضا گیلانی نے جان نثار کارکنوں کو بہت مایوس کیا۔جب بھی ان کی غلطیوں اور کرپشن پر آواز اٹھائی تو سچ کی آواز کودبا دیا گیا۔اب پیپلز پارٹی میں صرف مفاد پرست اور جی حضوری کرنے والے لوگ ہی رہ گئے ہیں۔اسی وجہ سے میں نے پیپلز پارٹی کی رکنیت سے استیفےٰ دیا ہے۔انہوں مستقبل کے بارے میں پوچھے گئے سوال کے حوالے سے کہا ہے کہ دوستوں سے مشاورت کے بعد آئندہ کا لائحہ عمل طے کروں گا۔