برلن(این این آئی )دوسری عالمی جنگ کے دوران جرمنی میں تعینات ایک امریکی فوجی کی جانب سے میساچوسٹس میں اپنی والدہ کو بھیجا گیا خط 76 سال بعد ان کے گھر پہنچ گیا۔غیر ملکی میڈیا رپورٹس کے مطابق دوسری عالمی جنگ کے باضابطہ خاتمے کے وقت 22 سالہ آرمی

سارجنٹ جون گونسالویس نے دسمبر 1945 میں ووبرن میں اپنی والدہ کو خط لکھا تھا۔آج آپ کی طرف سے ایک اور خط موصول ہوا اور یہ سن کر خوشی ہوئی کہ سب کچھ ، میں ٹھیک ہوں لیکن یہاں جو کھانا ملتا ہے وہ شدید برا ہے، مجھے آپ سے پیار ہے، آپ کا بیٹا جون۔ مجھے امید ہے کہ آپ سے جلد ملاقات ہوگی۔جنگ کے بعد وہ ووبرن میں اپنے خاندان کے پاس واپس آئے اور1949 میں انجلینا سے ملے جنہیں دہائیوں بعد اپنے شوہر کا خط موصول ہوا۔جون نے انجلینا سے 1953 میں شادی کی اور ان کے ہاں پانچ بیٹے پیدا ہوئے، سال 2015 میں جون 92 برس کی عمر میں چل بسے۔سابقہ فوجی کی بیوہ دہائیوں پرانا اپنے شوہر کا خط دیکھ کر حیران رہ گئی تھیں۔