نیویارک (نیوز ڈیسک ) ایکشن اور ڈراما سے بھرپور ہالی ووڈ فلم ”بلیک ماس“ کے دھواں دار ٹریلر نے انٹرنیٹ پر دھوم مچا دی ، فلم میں ہالی ووڈ کے مشہور اداکار جانی ڈیپ اور بینڈیکٹ کمبربیچ اداکاری کے جوہر دکھائیں گے ۔ ہر فلم میں ایک منفرد کردار اپنانے کے لئے مشہور ہالی ووڈ اداکار جانی ڈیپ اب بدمعاشی اور دادا گیری کرتے دکھائی دیں گے ۔ فلم اسّی کی دہائی کے بدنام زمانہ مجرم وائٹی بلجر کی زندگی پر مبنی ہے ۔ فلم میں بلجر کے ایف بی آئی کے مخبر سے انڈر ورلڈ کا ڈان بننے اور ایف بی آئی کی موسٹ وانٹڈ لسٹ میں شامل ہونے تک کے تمام اتار چڑھاﺅ کو پیش کیا گیا ہے ۔ فلم 18 ستمبر کو نمائش کے لئے پیش کی جائے گی ۔