لاہور(نیوز ڈیسک) فلم اسٹارمیرا نے کہا ہے کہ میں آج جوکچھ بھی ہوں وہ صرف اپنی والدہ کی بدولت ہوں، انھوں نے میری ہر لمحہ پر حوصلہ افزائی اور رہنمائی کی۔اداکارہ میرا کا نجی ٹی وی سے گفتگو کرتے ہوئے کہنا تھا کہ اپنے کیرئیر کی تمام کامیابی اپنی والدہ سیدہ شفقت زہرہ کے نام کرتی ہوں۔ انھوں نے کہا کہ گزشتہ دنوں میں میری والدہ کی طبعیت بہت ناساز تھی اوراسی لیے میں نے انھیں سیرکے لیے فرانس بلوایا ہے، جہاں میری چھوٹی بہنیں بھی ہمارے ساتھ ہیں۔ اس دورے کا مقصد صرف اورصرف میری والدہ کوآرام اورخوشیاں دینا ہے۔