کراچی(نیوز ڈیسک) آئی ایم کراچی میوزک فیسٹول 8 اور9 اگست کو ہوگا، ملک کے معروف آرٹسٹ اپنے فن کا مظاہرہ کریں گے۔ کراچی میں پریس کانفرنس سے خطاب کرتے ہوئے شاہد افروز، جمیل یوسف اور میکال نے میوزک فیسٹول کی تفصیلات بتائیں۔ ان کا کہنا تھا کہ شہرقائد میں امن کی بحالی سے رونقیں لوٹ آئی ہیں۔ ملک کا معاشی دارالحکومت ایک بار پھر سے سماجی سرگرمیوں کا مرکز بن چکا ہے۔ مقررین نے بتایا کہ آئی ایم کراچی میوزک فیسٹول ملک کے معروف آرٹسٹ اپنے فن کا مظارہ کریں گے جس سے حاضرین کو بہترین تفریح ملے گی۔ مقررین کا کہنا تھا آئی ایم کراچی صرف تقریبات نہیں بلکہ شہریوں میں اخوت اور بھائی چارگی کے فروغ کا بھی ذریعہ بن چکا ہے۔