ممبئی(نیوز ڈیسک) بالی ووڈ اداکارہ کترینہ کیف اور کرینہ کپور کو پروفیشنل کیریئر میں ایک دوسرے کا سب سے بڑا حریف مانا جاتا ہے تاہم حقیقی زندگی میں دونوں ایک دوسرے سے کافی قریب ہیں۔ اس بات کا انکشاف خود کترینہ کیف نے ایک انٹرویو کے دوران کیا جب انہوں نے اعتراف کیا کہ پورے کپور خاندان میں انہیں کرینہ سب سے زیادہ پسند ہیں۔ کترینہ کیف کرینہ کپور کے کزن رنبیر کپور کی گرل فرینڈ ہیں۔ رنبیر کپور رشی کپور کے بیٹے ہیں جب کہ کرینہ رشی کے بڑے بھائی رندھیر کپور کی بیٹی ہیں۔ رنبیر اور کترینہ اگرچہ شادی شدہ نہیں تاہم دونوں ایک ساتھ رہتے ہیں، امکان یہی ہے کہ جلد ہی دونوں شادی کے بندھن میں بھی بندھ جائیں گے۔ کرینہ کپور تو ایک سال قبل ہی کترینہ کو بھابھی قرار دے چکی ہیں، کرن جوہر کے پروگرام میں انہوں نے اعتراف کیا تھا کہ وہ کترینہ کو اپنی بھابھی کے روپ میں دیکھنا چاہتی ہیں۔ اب کترینہ نے بھی ان کے حوالے سے پسندیدگی کا اظہار کیا ہے۔ ایک انٹرویو کے دوران جب ان سے پوچھا گیا کہ کپور خاندان میں ان کی کس سے زیادہ دوستی ہے تو انہوں نے کرینہ کا نام لیا۔ کترینہ نے کہا کہ انہیں اور کرینہ کو عام طور پر ایک دوسرے کا حریف قرار دیا جاتا ہے لیکن وہ ایک دوسرے کی اچھی دوست ہیں۔ انہوں نے کہا کہ بالی ووڈ میں وہ کرینہ کو ہی اپنی اچھی دوست بھی قرار دی