اسلام آباد(مانیٹرنگ ڈیسک)پی ٹی آئی کے سینئر رہنما اوروفاقی وزیر منصوبہ بندی اسد عمر نے دارالحکومت اسلام آباد میں ایک جلسے سے خطاب کے دوران پی ڈی ایم کو خبردار کیا کہ وہ لانگ مارچ کا خیال اپنے دل سے نکال دیں ورنہ اسلام آباد میں انہیں مار پڑے گی۔انہوں نے

خطاب کے دوران ان الفاظ میں کہا کہ میرا آخری پیغام سٹیٹس کو کی ان قوتوں کے نام ہے جنہوں نے اس ملک کو لوٹا ہے۔ ان پی ڈی ایم والوں کو، ان کے سہولت کار جو میڈیا میں بیٹھے ہوئے ہیں، یہ دیکھو سامنے میرے یہ اسلام آباد کے عوام کا جذبہ ہے،ان کا کہنا تھا کہ لانگ مارچ کرنے کیلئے سوچنا بھی نہ، ادھر آ گے تو اتنی کٹ پڑے گی کہ یاد رکھو گے۔وفاقی وزیر اسدعمر کے اس بیان پر ردعمل دیتے ہوئے بلاول بھٹو کے پولیٹیکل سیکرٹری جمیل سومرو نے کہا کہ جنرل کا بیٹا اسلام آباد میں ایک جنرل کی زبان بول رہا ہے۔ 12 مئی کئی جنرل مشرف اور اس 12نومبر کی اسد عمر کی تقریر کا موازنہ کیا جائے۔تجزیہ کار ریما عمر نے کہا کہ یہ جینٹل اور تحریک انصاف کا پڑھا لکھا چہرہ ہیں۔مظہر عباس نے کہا کہ اسد عمر کا بیان افسوس ناک ہے یہ تو کھلی ایف آئی آر ہے۔ انہوں نے کہا کہ اس بیان کے خلاف پی ایف یو جے17 نومبر کو لانگ مارچ کی کال دیگی۔ انہوں نے کہا کہ اس سب کو روک لیا جائے کیونکہ ہم لوگ فوجی آمروں، سویلین حکمرانوں اور پریشر گروپس کا فاشزم دیکھ چکے ہیں۔صحافی اور وی لاگر اسد علی طور نے کہا کہ وفاقی وزیر صرف لمبے ہیں اور کچھ نہیں ہے۔

General ka beta, Islamabad main aik General ki zaban Bol raha hy. 12 May ko General (Mush) aur iss 12 November ki taqreer ka mawazna karain pic.twitter.com/FRyzRsWjCP

— Jameel Soomro (@SoomroJameel) November 12, 2021