ابوظہبی (مانیٹرنگ ڈیسک ، این این آئی)ٹی ٹوئنٹی ورلڈکپ میں آج بھارت کیخلاف ہونے والے اہم مقابلے سے پہلے افغان اسپنر راشد خان نے افغان شائقین سے اپیل کی ہے کہ صرف ٹکٹ والے افراد ہی اسٹیڈیم میچ دیکھنے آئیں۔راشد خان نے ٹوئٹر پر ویڈیو جاری کی جس میں وہ اپنی زبان میں شائقین کرکٹ سے مخاطب ہیں۔انہوں نے اپنی ٹوئٹ میں لکھا کہ

میں میچ کو لے کر بہت پرجوش ہوں لیکن گزشتہ ہفتے اسٹیڈیم کے حالات دیکھ کر کافی مایوس ہوا تھا۔افغان کرکٹر نے لکھا کہ اپنے قومی پرچم کو بلند کرنے اور ملک کا سر فخر سے بلند کرنے کے لیے افغان کرکٹ شائقین کو قوانین کا احترام کرنا ہوگا اور میچ دیکھنے کے لیے ٹکٹ خرید کر ہی اسٹیڈیم میں آنا ہوگا۔یاد رہے کہ 29 اکتوبر کو دبئی انٹرنیشنل اسٹیڈیم میں پاکستان اور افغانستان کے درمیان کھیلے گئے میچ کے دوران متعدد شائقین ٹکٹ کے بغیر پنڈال میں گُھس گئے جس کی ویڈیوز سوشل میڈیا پر وائرل ہوئی تھیں۔ دوسری جانب افغان کرکٹ ٹیم کے وکٹ کیپر محمد شہزاد نے کہا ہے کہ بھارتی کپتان ویرات کوہلی جیسے چھکے لگانے کے لیے بڑھا ہوا وزن معنی نہیں رکھتا۔بھارتی میڈیا کو دیے گئے انٹرویو میں محمد شہزاد نے کہا کہ انہیں بھارتی کپتان ویرات کوہلی سے لمبے چھکے لگانے کے لیے وزن کم کرنے کی ضرورت نہیں ہے۔محمد شہزاد نے کہاکہ اگرچہ ان کا فٹنس سسٹم ویرات کوہلی کی طرح مکمل بہترین نہیں لیکن ان کا کھیل

یقینی طور پر کوہلی کی طرح پرفیکٹ ہے۔افغان کرکٹر کا کہنا تھا کہ ہم فٹنس کا پورا خیال رکھتے ہیں اور کھاتے بھی پورا ہیں، اگر آپ میری فٹنس روٹین کوہلی جیسی چاہتے ہیں تو یہ ناممکن ہے لیکن میرا کھیل ان سے کسی طور کم نہیں۔محمد شہزاد نے کہا کہ جتنا لمبا چھکا کوہلی مارتے ہیں میں ان سے بھی لمبا چھکا مارسکتا ہوں تو مجھے ان کی طرح ڈائٹ کرنے کی کیا ضرورت ہے۔

I’m super excited about tomorrow’s AFGvIND game. I was disappointed at the scenes last weekend; we need to fly our national flag ?? high & do our country proud. Pls respect rules & support the organisers @ICC @T20WorldCup @AbuDhabiCricket, only coming to the stadium with a ticket pic.twitter.com/GXsf1vSoiR

— Rashid Khan (@rashidkhan_19) November 2, 2021