لاہور (مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر تجزیہ کار حسن نثار نے کہا کہ سابق کرکٹر شعیب اختر سے پیش آنے والا واقعہ بدتمیزی کا واقعہ سرکاری ٹی وی پر ہی ہوسکتا تھا۔ پاکستان میں افواہوں اور اسکینڈلز دونوں کی انڈسٹری ہیں ۔انہوں نے کہا کہ ہرے بھرے درخت پر سرکار
لکھ دو درخت سوکھ جائے گاتو سرکاری ٹی وی پر یہ ہوسکتا تھا کیونکہ وہاں عام طور پر نالائق قسم کے ہیں۔ یہ بد تمیزی سے زیادہ کم ظرفی تھی جس طرح کی بھرتیاں ہوتی ہیں اسی طرح کی ظرفیاں ہوتی ہیں۔مجھے کرکٹ سے دلچسپی نہیں ہے مگر شعیب بحیثیت انسان اتنا خوبصورت آدمی ہے بہت نظم و ضبط والابہت نرم اور بھلا آدمی ہے جس کا کوئی حساب نہیں ہے میری کافی ملاقاتیں ہیں۔اسی طرح جاوید میانداد ہیں یہ قابل احترام لوگ ہیں جن کو اپنے ہیروز عزت کرنے کی تمیز نہیں ہے ۔اس شخص کو اس واقعے سے قبل کوئی جانتا بھی نہیں تھا اگر بندے سے کوئی غلطی ہوجائے تو اس کے لئے ظرف کی ضرورت ہوتی ہے میرے خیال میں وہ ڈھیٹ آدمی ہوگا جو اس نے معذرت نہیں کی۔میری سمجھ میں نہیں آتی ہے کہ شعیب اختر کو آف ایئر کیوں کیا ہے شعیب کو چاہئے کہ سرکاری ٹی وی کا کبھی رخ ہی نہ کرے مکمل بائیکاٹ کرے وزیراعظم نے یہ اچھا نوٹس لیا ہے۔
