اسلام آباد(این این آئی)وفاقی وزیر اطلاعات ونشریات فواد چوہدری نے کہا ہے کہ دنیا کی66 فیصد آبادی اسلام آباد سے ساڑھے تین گھنٹے کی مسافت پر ہے۔ تقریب سے خطاب کرتے ہوئے وفاقی وزیر نے کہاکہ دنیا کی66 فیصد آبادی اسلام آباد سے ساڑھے تین گھنٹے کی مسافت پر ہے۔

انہوںنے کہاکہ پاکستان عرب ممالک کی فوڈ مارکیٹ تک رسائی حاصل کرسکتا ہے۔ وفاقی وزیر نے کہاکہ ہماری بدقسمتی ہے ہم چیزیں بناتے ہیں لیکن ان کی سرٹیفکیشن نہیں کراتے، دنیابھر میں اشیاء کی قیمتوں میں بے پناہ اضافہ ہوا ہے۔ وفاقی وزیر نے کہاکہ بد قسمتی ہے گزشتہ 20 سال سے ہم ہر چیز باہر سے درآمد کر رہے ہیں۔ انہوںنے کہاکہ ٹیکنالوجی میں سرمایہ کاری سے ہی ترقی کر سکتے ہیں، ہمیں اپنی اشیاء کو عالمی معیار کے مطابق بنانا ہوگا۔ وفاقی وزیر نے کہا کہ ماضی کے حکمرانوں نے قرضے لیکر بیرون ملک اپنی جائیدادیں بنائیں، بہت جلد ہم اپنے پاؤں پر کھڑا ہوسکیں گے۔ سی ای او سمٹ سے خطاب کرتے ہوئے وزیراطلاعات نے کہاکہ 1947 سے2008 تک 6 ٹریلین کا قرضہ تھا ،2008 سے 2018 تک 23 ہزار ارب کے قرض لیئے گئے ،یہ پیسہ دبئی لندن چلا گیا ۔ وفاقی وزیر نے کہا کہ 12 ارب ڈالر کا قرض اس سال واپس کررہے ہیں ،حکومت کے پاس سبسڈی دینے کیلئے کیا رہ جائے گا ۔ وفاقی وزیر نے کہاکہ مہنگائی کی بنیادی وجہ قرضے ہیں ،کنسٹرکشن اور ٹیکسٹائل انڈسٹری بلندی کی جانب گامزن ہے۔